Azercell Telekom MMC 1996-cı ilin yanvarında təsis edilmiş və Azərbaycanda ilk GSM operatoru kimi öz kommersiya fəaliyyətini 1996-cı il dekabrın 15-də başlamışdır. Fəaliyyətinin ilk illərindən etibarən Azercell bazarda lider mövqeyini saxlamaqdadır.

Azercell Azərbaycana bir sıra innovativ texnologiyaları və konsepsiyaları gətirmişdir – GSM texnologiyası, GPRS/EDGE, 24/7 Telefon Mərkəzi, tam xidmət göstərən Azercell Ekspres ofisləri, “BlackBerry® Solutions” məhsulu və s.

Ilk mobil rabitə xidməti Fakturalı Xətt sistemi əsasında qurulmuşdur. 1998-ci ildə Azercell dünya telekommunikasiya sektorunda abonentlərin istifadəsinə öncədən ödəmə sistemini (SimSim) təklif edən ilk şirkətlərdən biri oldu.

Hal-hazırda 4.000 000-dan çox abonenti olan Azercell ölkə əhalisinin 99,8 %, ölkə ərazisinin isə 80%-nı (20% işğal olunmuş əraziləri çıxmaq şərti ilə) əhatə edir. Şirkətin rabitə bazarındakı payı 55% təşkil edir.

Azercell Telekom İSO 10002:2004 beynəlxalq standartına uyğunluq IIP (Investors In People) - İnsanlara Sərmayədar (İS) standartı üzrə sertifikatlarının sahibidir.

Azercell TeliaSonera-nın bir hissəsidir. TeliaSonera 2002-ci ilin dekabr ayında İsveçin Telia şirkəti ilə Finlyandiyanın Sonera şirkətlərinin birləşmələri nəticəsində yaranmışdır. Hazırda Avrasiyanın ən böyük və ən güclü potensiala malik olan beynəlxalq telekomunikasiya şirkətlərindən biridir.
Ətraflı: www.teliasonera.com

"Azercell Telekom" MMC-in prezidenti Ali Ağandır.