Azercell BM-nin sponsor dəstəyi

Bakı, 03 aprel 2003

Aparıcı mobil rabitə operatoru Azercell Telecom BM Azərbaycan estradasının ifaçılarına fəal dəstək göstərməyə davam edir.

Azercell BM 3 aprel 2003-cü ildə Hyatt Regency otelində təqdimat mərasimi keçirilmiş Zülfiyyə Xanbabayevanın "Qəlbinə yol" klipinin sponsoru qismində çıxış etmişdir.

Klip qeyri-adi avanqard stilində çəkilmişdir. Azercell BM-nin sponsor dəstəyi müqabilində müğənni öz sənət arzularını həyata keçirmiş və ən müasir avadanlıqların bazasında həzırlanmış klipi təqdim edə bilmişdir.

Klip üzərində işləyiblər:

• Musiqi — Rəşad Həşimov
• Sözlər — Altun Şaşıq
• Rejissyor — Emin Mirabdullayev
• Operator — Nadir Mehdiyev
• Prodüser — Nigar Hacızadə
• Sponsor — Azercell BM.

Klip, sözsüz ki, müğənninin pərəstişkarlarını sevindirəcək. "Qəlbinə yol" klipi — Zülfiyyə Xanbabayevanın Azercell BM-nin dəstiyi ilə hazırlanmış ilk işi deyildir. Bundan əvvəl Azercell BM Zülfiyyə Xanbabayevaya "Aləm oyansın" klipinin və "Gecə", "Sən gedən gündən" musiqili CD-disklərin hazırlanmasında da sponsor dəstəyi göstərmişdir.