2007-ci ilin yanvar ayında daha 16 stansiya quraşdırıldı!

Bakı, 05 fevral 2007

”Azercell Telekom” əhatə dairəsini daha da genişləndirmək və ölkəmizin hər bir guşəsində keyfiyyətli rabitə xidməti göstərmək istiqamətində işlərini davam etdirir.

Şirkət bu ilin yanvar ayında daha 16 stansiya quraşdırdı! Quraşdırılan radio baza stansiyaların hamısı durmadan böyüyən və inkişaf edən Bakı şəhərinin ərazisində yerləşir.

Qeyd edək ki, mobil rabitə operatoru daim artan abonentlərini ölkəmizin istənilən nöqtəsində keyfiyyətli rabitə ilə təmin etmək məqsədilə öz stansiyalarının sayını durmadan artırır.

Bütövlükdə “Azercell Telekom” BM bu vaxta qədər 2 rezervləşdirilmiş аbonent bazası, 13 baza stansiyalarına nəzarətçi sistemi, 16 mobil rabitə kommutasiya mərkəzi və 1096 stansiya quraşdırıb.