RoamCELL xidməti ilə məsafə fərqini hiss etməyəcəksiniz.

Bakı, 23 fevral 2007

“Azercell Telekom” BM ilə Finlandiyanın “Elisa” operatorunun iki şəbəkəsi arasında GPRS/MMS rouminq xidməti istifadəyə verilib. Xatırladaq ki, bu, operatorun Finlandiya ilə sayca üçüncü GPRS/MMS rouminq müqaviləsidir. “Azercell” abonentləri hazırda bu ölkənin “Sonera” operatorunun xidmətindən yararlanırlar.

Qeyd edək ki, indiyə kimi “Azercell Telekom” BM 34 ölkənin mobil rabitə operatorları ilə 72 GPRS/MMS rouminq sazişi bağlayıb.