“RoamCELL” ilə məsafə fərqini hiss etməyəcəksiniz

Bakı, 18 fevral 2008

“Azercell Telekom” şirkəti ilə Avstraliyanın “Optus”, Tacikistanın “Babilon-Mobile”, Bermudanın “M3” və Honkonqun “Hutchison” operatorları arasında GPRS/MMS rominq xidməti istifadəyə verilib. Xatırladaq ki, bu, “Azercell”-in Tacikistan və Bermuda ilə birinci, Avstraliya ilə sayca ikinci, Honkonqla isə altıncı rominq müqaviləsidir. “Azercell” abonentləri hazırda Avstraliyanın “Telstra”, Honkonqun isə “SmarTone-Vodafone”, “CSL Ltd”, “People”, “HKCSL” və “Sunday” operatorlarının xidmətindən yararlanırlar.

Qeyd edək ki, indiyə kimi “Azercell Telekom” 58 ölkənin mobil rabitə operatorları ilə 118 GPRS/MMS rominq sazişi bağlayıb.