Qrup şirkətləri

Geocell

Geocell Gürcüstanın ilk GSM operatorudur. Şirkət 1996-cı ildən etibarən fəaliyyətə başlayıb. Hal-hazırda Gürcüstan ərazisinin əhaliyaşayan hissəsinin 95%-ni əhatə edir. Geocell-in şəbəkə sistemi "Ericsson" şirkətinin ən qabaqcıl texnologiyaları üzərində qurulmuşdur.

Geocell haqqında daha ətraflı məlumat üçün: www.geocell.com.ge səhifəsinə müraciət edin.

K'Cell

GSM Kazakhstan OJSC Kazakhtelecom LLP (K'Cell Qazaxıstan Səyyar) kommersiya fəaliyyətinə 1999-cu ildə başlamışdır. İlk öncə OJSC Kazakhtelecom-un törəmə şirkəti kimi yaranan həmin şirkət, GSM standartlı səyyar rabitə şəbəkəsinin yaradılması və idarə olunması üçün radiotezliklər spektrindən istifadə hüququ adlı Dövlət Lisenziyasının ilk sahibi olmuşdur. Hal-hazırda şirkət abonentlərin sayı, inkişaf sürəti, sərmayələrin həcmi və xidmət çeşidi kimi ciddi göstəricilər üzrə Qazaxıstan bazarında qabaqcıl yer tutur.

K'Cell haqqında daha ətraflı məlumat üçün: www.kcell.kz səhifəsinə müraciət edin.

Moldcell

Moldovanın GSM operatoru olan Moldcell şirkətinin başlıca məqsədi yüksəksəviyyəli xidmət təklif etməklə müştərilərin rəğbətini qazanmaqdır. Fəaliyyətinin ilk günlərindən Moldova bazarında Qısa Mesaj Xidməti və saniyə hesabı tariflər təklif edən bu şirkət, ən müasir xidmətlər təklif edərək, müştərilərinin tələblərinə cavab verə biləcəyini təsdiq etmişdir.

Moldcell haqqında daha ətraflı məlumat üçün: www.moldcell.md səhifəsinə müraciət edin.

Indigo Somonkom

Tacikistanda ilk GSM operatoru olan Indigo Somonkom, 2000-ci ilin 1 mart tarixindən mobil rabitə xidmətlərini komersiya üsulu ilə həyata keçirməyə başlamışdır. Onun əhatə dairəsi, əhalinin 97%, ölkənin şimalında yaşayan əhalinin 2 milyonunu cəmləşdirən ölkə ərazisinin 63% təşkil edir. Yüksək keyfiyyətli əlaqə, rəqabət qabiliyyətli qiymətlər, əlavə xidmətlərin geniş seçimi, abonentlərlə loyal əməkdaşlıq , eləcə də mükəmməl xidmət son illərdə şirkətin visit kartına çevriliblər.

Əlavə məlumatı şirkətin veb-saytından: www.somoncom.com əldə edə bilərsiz.

Ucell

Ucell (FE Coscom MMC-in ticarət nişanı) 1996-cı ilin aprel ayında təsis edilmişdir. Müasir mobil rabitə GSM 900/1800 standart əlaqə sisteminin inkişafı, şirkətin əsas fəaliyyət sahəsidir.

2007-ci ilin iyul ayından şirkət, Avropa bazarında aparıcı telekomunikasiya şirkətlərindən biri olan TeliaSonera adlı İsveç- Fin qrupunun Avropa ailəsinin üzvüdür.

2008-ci ilin iyun ayından şirkət əmtəə nişanını COSCOM-dan Ucell-ə dəyişdi.

Əlavə məlumatı şirkətin veb-saytından: www.ucell.uz əldə edə bilərsiz.

İndiqo-Tacikistan

2001-ci ilin noyabr ayında MCT adlı Amerika korporasiyası və İqtisadi inkişaf üzrə Ağa-Xan Fondu tərəfindən yaradılmış İndiqo-Tacikistan adlı şirkət, rəqabətin geniş səviyyəsinə baxmayaraq, Tacikistanın GSM standartının qabaqçıl mobil rabitə operatorlarından birisi olmuşdur. 2007-ci ilin noyabr ayında şirkətin işində böyük dəyişikliklər baş vermişdir: İsveç və Finlyandiya mobil rabitə bazarının liderlərindən birisi olan, TeliaSonera adlı telekomunikasiya şırkəti “İndiqo -Tacikistanın”-ın investoru oldu. TeliaSonera, Rusiya, Moldova, Qazaxstan, Gürcüstan, Özbəkistan, indi də Tacikistanda nümayəndəlikləri olan, MDB ölkələrində inkişaf etmiş şirkətlər şəbəkəsidir.

Əlavə məlumatı şirkətin veb-saytından: www.indigo.tj əldə edə bilərsiz.

Azeronline

Azeronline Azercell şirkəti tərəfindən 1999-cu ilin 29 dekabr tarixində yaradılmışdır.

Azeronline-nın məqsədi ölkə əhalisini dünya standartlarına uyğun yüksəkkeyfiyyətli İnternet xidmətləri ilə təmin etməkdir.

Azeronline ölkə ərazisini tam əhatə etməyi planlaşdırır. Belə ki, Mövcudluq Nöqtələri artıq Bakı, Gəncə, Quba, Naxçıvan, Sumqayıt, Şəki və Qəbələdə quraşdırılmışdır. Hal-hazırda Azeronline dial-up və ayrılmış xətt vasitəsilə İnternet şəbəkəsinə qoşulmaq imkanlarını təqdim edir. ADSL-qoşulma sayəsində aparılan işlərin bir mərhələsi artıq başa çatdırılmışdır. Hal-hazırda 421, 422, 423, 428, 430, 431, 438, 439, 440, 441, 449, 470, 474, 475, 476, 476, 477, 478, 479, 491, 493, 494, 495, 596, 498, 510, 514, 561, 562, 563, 566, 567, 568, 570, 598 Bakı və 642, 644, 648, 645 Sumqayıt,341, 342 Xırdalan ATS-lərinin abonentləri bu xidmətə qoşula bilərlər. Yaxın vaxtlarda digər ATS abonentləri də ən müasir İnternet-qoşulma xidmət növü olan ADSL-qoşulmadan istifadə edə biləcəklər.

Azeronline haqqında daha ətraflı məlumat üçün: www.azeronline.com səhifəsinə müraciət edin.